Udako ikastaroa

2024ko UDAKO ARRAUN IKASTAROA

AURKIBIDEA

Orrialde honek lau atal nagusi ditu. Hurrengo izenburuetako batean klik eginez zure intereseko atalera jo al izango duzu:

informazio orokorra

Zertan datza?

Ikastaro honen asmoa 2008 eta 2015 bitartean jaiotako gazteen artean gure kirolaren ezagutza hedatzea da. Horren ondorioz, arraunaren gaineko oinarrizko irakaspenak eskainiko zaizkie ikastaroan. Gure asmo nagusia uda amaitutakoan ahalik eta gehienek arraun denboraldian jarrai dezatela da. Arrazoi horrengatik, Uribe Aldean jaiotakoei lehentasuna emango zaie.

Zeintzuk dira izena emateko baldintzak?

Ikastaroan parte hartzen dutenak 2008 eta 2015 bitartean jaiotakoak izan beharko dira, haien bizilekua zeinahi delarik. Hala ere, aipatu bezala Uribe Aldekoei lehentasuna emango zaie. Itsasadarrean praktikatzen den kirola izanda, gomendagarria igeriketaren oinarrizko ezagutzak izatea.

Zein da egutegia? eta ordutegia?

Aurreko urteetan ez bezala, ikastaro bakoitzaren iraupena bi astekoa izango da, uztaila eta abuztuan zehar. Bi hilabete horietan zehar, lau ikastaro-aste  egongo dira, eta nahi duenak ikastaro baten baino gehiagotan izena-emateko aukera izango du. Ikastaroa asteko bost lanegunetan zehar, hots, astelehenetik ostiralera izango da (jai egunak ezik), eta 2021etik bi ordutegietan banatzen dugu: lehen txandakoak 9:00etatik 11:00etara eta bigarren txandakoak 11:30etatik 13:30etara. Txanda hauen esleipena Zuzendaritza Taldearen esku geratuko da.

Euskararen presentzia

Eskola eremutik kanpo euskara sustatzeko helburuarekin, aurrekoan bezala 2024an begiraleek euskaraz egingo dute. Salbuespen bezala, euskara ezagutzen ez duten gazteekin gazteleraz egingo da.

Zeintzuk dira kuotak?

50€/bi aste

Uribe Aldean mankomunatuak

Kasu honetan EZINBESTEKOA izango da errolda ziurtagiria aurkeztea.

75€/bi aste

Uribe Aldean ez erroldatuak

IKASTARO BAKOITZAREN EGUTEGIA

Hurrengo egutegian ikastaro bakoitzaren hasiera eta amaiera data ikusi ahal izango duzue, astelehenetik ostiralera dela ahaztu barik. 

  1. Ikastaroa: uztailaren 1etik 12ra.
  2. Ikastaroa: uztailaren 15etik 26ra
  3. Ikastaroa: uztailaren 29tik abuztuaren 9ra
  4. Ikastaroa: abuztuaren 12tik 26ra (kontuan izan abuztuaren 15 jai eguna dela eta egun hori abuztuaren 26an berreskuratuko da).

izen ematea

Udako ikastarorako izen emateak bi fase izango ditu: lehena aurreinskripzioa, ekainaren 18a baino lehenago egin beharko dena; eta bigarrena behin betiko matrikula, ekainaren 19tik 26ra bitartean egin beharko dena (biak barne).

Oharra: Epetik kanpo egonda ere, plazak libre egon ezkero izena emateko aukera egongo da. Horrelakoetan, Whats App zenbakira idatzi beharko da: 636 80 52 66

Aurreinskripzioa

Interesa dutenek, hurrengo inprimakia bete beharko dute ekainaren 18a baino lehen:

BEHIN-BEHINEKO EBAZPENA

Atari honetan, ekainaren 19an onartutakoen behin-behineko ebazpena. argitaratuko da:

Behin betiko matrikula

Aurreinskripzioan onartutakoek ekainaren 26 baino lehen hurrengo matrikula bete, SINATU eta entregatu beharko dute . Matrikula betetzeko ezinbestekoa da lehenik deskargatzea.

dokumentuak igotzeko ataria

Atari honetan, aurretik bete eta sinatutako matrikularekin betara ordainketaren justifikagiria eta erroldaren kopia (mankomunatuen kasuan) entregatu beharko da. 

GOGORATU: Mankomunatuek erroldaren kopia entregatzen ez badute, ez-mankomunatuen prezioa ordaindu beharko dute (75€/bi aste). 


Behin betiko ONARTUEN ZERRENDA

Ekainaren 28an, atari honetan, behin-betiko onartuen zerrenda eta txanden banaketa argitaratuko dugu. Gogoratu ebazpenari errekurtsoa jartzeko aukera egongo dela ekainaren 30eko 14:00ak arte, arkoteat@gmail.com posta elektronikora mezu bat bidaliz. Era berean, izena emateko aukera zabalik egongo da 636 80 52 66 telefono zenbakira idatziz. 

Erabiltzailearen esperientzia hobetzeko webgune honek cookie-ak erabiltzen ditu. Nabigatzen jarriatu ezkero, baimena ematen duzu cookie-n erabilerarako eta gure cookien politikarako. Behean informazio gehiago Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies