By 2020ko udako ikastaroa
Zertan datza?
Aspalditik Arkotek arraun ikastaroa antolatzen du udara guztietan, gure kirola gazteen artean hedatzeko helburuz. Ikastaro hau prestakuntza handia duten bi arraunlariek zuzentzen dute, gure kirolaren zirrikitu eta gako guztiak irakatsiz. Arraunlari izateak, ikaragarrizko esperientzia ematen die gure monitoreei, asko izan direlako arraunlari gisa bizi izan dituzten egoerak. Egoera horietaz ikasitakoak ere irakasten dituzte gure monitoreek.
Zeintzuk dira izena emateko baldintzak?
Ikastaroa 10 eta 18 urte bitarteko gazteei zuzendua dago, norberaren udalerria zeinahi ere den. Itsasadarrean zein itsasoan lantzen den kirola izanda, gomendagarria deritzogu interesaturik daudenak oinarrizko igeriketa mailarik izatea. Hala ere, erabateko segurtasuna bermatzeko, uretaratzen diren guztietan 10 eta 14 urte bitarteko gazteek salbamendu-txalekoa eramango dute.
Zein da egutegia? eta ordutegia?
Gazteek kalitatezko formakuntza eta esperientzia izan dezaten, ikastaroak bi hilabete irauten du, uztailan eta abuztuan egiten dugu. Ordutegia asteko bost lanegunetan zehar, hots, astelehenetik ostiralera izaten da (jai egunak ezik), goizeko 10:00etatik eguerdiko 12:00etara.
Zeintzuk dira kuotak?
30€/hilean
Uribe-Kostan mankomunatuak.
Kasu honetan errolda ziurtagiria aurkeztu beharko da.
Zalantzarik izatekota jarri gurekin harremanetan:
Mankomunatuentzako formularioa:
Mankomunatuak EZ daudenentzako:
Zalantzak argitzeko formularioa:
Arraun taldearen babesleak
