Arkote arraun taldeko web orrialdea
Arkote Arraun Taldea Plentzian (Bizkaia) egoitza duen arraun taldea da. Arraun taldeak 110 federazio fitxa ditu guztira. Bost dira klubeko oinarri nagusiak: harrobia, emakumezkoen arrauna, trainerua, aulki mugikorra eta beteranoak. Informazio gehiagorako egin klik ondoko botoian eta webgune honetako “nortzuk gara” atalera eramango zaitu:
2020an Arkote arraun taldeak 60 urte bete zituen. Arkoteren aurretik Plentzian bazegoen beste arraun talde bat. Hala ere, Uribe Kostako kirolari guztiak batze aldera, Plentziako eta Gorlizko gazte batzuek arraun talde berria, Arkote, sortzea erabaki zuten. Kluba Frankismo betean sortu zen, eta hamaika zailtasun izan zituzten sorrera burutzeko. Azpiko botoia sakatu ezkero Arkoteren fundatzaile eta presidente ohia den Txetxu Laraudogoitiak idatzitako pasartea irakurtzeko aukera izango duzu:
2019ko bazkideen ez-ohiko asanbladan onartutako zuzendaritza taldea bederatzi partaidez eratu zen. Hala ere, 2021eko bazkideen ohiko batzarrean horietako batek dimisioa aurkeztu ostean, zortzi kideez eraturik dago 2019-2023 legealdiko zuzendaritza batzordea. Hurrengo botoian sakatu informazio gehiago jasotzeko:
