2020. denboraldiko Haurren mailako arraunlariak.
Emakumezko haurrak:
Iker Martinez Garcia Emakumezko haur, kadete eta absolutuen entrenatzailea.
Iker Martinez Garcia Arkote arraun taldearekin lotura handia duen pertsona dugu. Lehenik arraunlari, ondoren entrenatzaile, eta egun zuzendaritzako kide eta entrenatzailea den honek bederatzi urte baino gehiago daramatza prestatzaile lanetan harrobiko maila ezberdinetan. Bere gidaritzapean ibilitako taldeek emaitza onak lortu dituzte batel liga zein txapelketetan. Gainera, egun Iker Arkoten aulki mugikorrari buruz gehien dakien pertsona dugu, eta horrenbestez bera da aulki mugikorreko denboraldian maila guztiak entrenatzen edo koordinatzen dituena. Urtez-urte egindako lan onaren ondorioz, harrobiko arraunlari askok estatu mailako estropada ezberdinetan parte hartzeko aukera izan dute, kasu gehienetan emaitza onak lortuz.
Gizonezko haurrak:
Raul Amundarain Ormaza Gizonezko kimu, haur eta kadeteen entrenatzailea.
Raul Amundarain Ormaza Arkote Arraun Taldearekin lotura handia duen pertsona dugu. Esan bezala, urte asko daramatza arraun taldearen inguruan: lehenik arraunlari moduan eta ondoren entrenatzaile gisa. Prestatzaile lanetan urte asko eman ondoren, ulertzekoa da arraun taldeko kirolari guztien entrenatzailea izan dela noizbait. Horrenbeste urteren ondoren, Raulekin lortutako emaitzak paregabeak izan dira, Bizkaiko zein Euskadiko makina bat txapelketa irabazteaz gain, estatu mailako zenbait txapelketetan dominarik ere eskuratu dituztelako bere taldeek. Argi dugu emaitza hauek Raulen lanaren fruituak direla, eta ez dugu inolako zalantzarik emaitza hauek iristen jarraituko dutela eta ondorioz poztasunez beteko dituela etxeko arraunlariak.