Arkote arraun taldeko web orrialdea
Orrialde honek lau atal nagusi ditu. Hurrengo izenburuetako batean klik eginez zure intereseko atalera jo al izango duzu:
Ikastaro honen asmoa 2007 eta 2014 bitartean jaiotako gazteen artean gure kirolaren ezagutza hedatzea da. Horren ondorioz, arraunaren gaineko oinarrizko irakaspenak eskainiko zaizkie ikastaroan. Gure asmo nagusia uda amaitutakoan ahalik eta gehienek arraun denboraldian jarrai dezatela da. Arrazoi horrengatik, Uribe Aldean jaiotakoei lehentasuna emango zaie.
Ikastaroan parte hartzen dutenak 2007 eta 2014 bitartean jaiotakoak izan beharko dira, haien bizilekua zeinahi delarik. Hala ere, aipatu bezala Uribe Aldekoei lehentasuna emango zaie. Itsasadarrean praktikatzen den kirola izanik, gomendagarria igeriketaren oinarrizko ezagutzak izatea.
Gazteek kalitatezko formakuntza eta esperientzia izan dezaten, ikastaroak hilabete oso bat irauten du, uztaila edo/eta abuztua hautatu ahal izango delarik; nahi dutenek, gainera, errepikatzeko aukera izango dute. Ikastaroa asteko bost lanegunetan zehar, hots, astelehenetik ostiralera izango da (jai egunak ezik), eta 2021etik bi ordutegietan banatzen dugu: lehen txandakoak 9:00etatik 11:00etara eta bigarren txandakoak 11:30etatik 13:30etara. Txanda hauen esleipena Zuzendaritza Taldearen esku geratuko da.
Eskola eremutik kanpo euskara sustatzeko helburuarekin, 2023ko udako arraun ikastaroa euskaraz eskainiko da. Salbuespen bezala, euskara ezagutzen ez duten gazteekin gazteleraz egingo da.
Kasu honetan EZINBESTEKOA izango da errolda ziurtagiria aurkeztea.
Udako ikastarorako izen emateak bi fase izango ditu: lehena aurreinskripzioa, ekainaren 17a baino lehenago egin beharko dena; eta bigarrena behin betiko matrikula, ekainaren 18tik 25era bitartean egin beharko dena (biak barne).
Oharra: Epetik kanpo egonda ere, plazak libre egon ezkero izena emateko aukera egongo da. Horrelakoetan, Whats App zenbakira idatzi beharko da: 636 80 52 66
Interesa dutenek, hurrengo inprimakia bete beharko dute ekainaren 17a baino lehen:
Atari honetan, ekainaren 18an onartutakoen behin-behineko ebazpena. argitaratuko da:
Aurreinskripzioan onartutakoek ekainaren 26 baino lehen hurrengo matrikula bete, SINATU eta entregatu beharko dute . Matrikula betetzeko ezinbestekoa da lehenik deskargatzea.
Atari honetan, aurretik bete eta sinatutako matrikularekin betara ordainketaren justifikagiria eta erroldaren kopia (mankomunatuen kasuan) entregatu beharko da.
GOGORATU: Mankomunatuek erroldaren kopia entregatzen ez badute, ez-mankomunatuen prezioa ordaindu beharko dute (150€/hilean).
Ekainaren 28an, atari honetan, behin-betiko onartuen zerrenda eta txanden banaketa argitaratuko dugu. Gogoratu ebazpenari errekurtsoa jartzeko aukera egongo dela ekainaren 30eko 14:00ak arte, arkoteat@gmail.com posta elektronikora mezu bat bidaliz. Era berean, izena emateko aukera zabalik egongo da 636 80 52 66 telefono zenbakira idatziz.
Ikastaroak uztailaren 3an eta abuztuaren 1ean hasiko dira.
